[g]ურიელის ისტორია მჭიდროდაა დაკავშირებული ქართული ჩაის ისტორიასთან. ჯერ კიდევ ორასი წლის წინ, გურიის სამთავროს უკანასკნელი მმართველი მამია V გურიელი უკავშირდება ფრანგ ბოტანიკოსებს, მამა-შვილს, ანდრე და ფრანსუა მიშოებს, რომლებმაც მეთვრამეტე საუკუნის მიწურულს პირველებმა ჩაიტანეს და გააშენეს ჩაის ბუჩქი ამერიკის შეერთებულ შტატებში. მათი რეკომენდაციით, გურიის მმართველი საქართველოში პირველ ჩაის ნერგებს იწერს და შოტლანდიელი იაკობ მონტეგიუ მარის დახმარებით, თავის ბოტანიკურ ბაღში ახალი კულტურის დანერგვას უყრის საფუძველს. ჩაის ბუჩქი ნელ-ნელა იკიდებს ფესვს და მომდევნო ათწლეულების განმავლობაში საქართველოს სასოფლო მეურნეობის ერთ-ერთ ლიდერად ყალიბდება.